سؤال صغير ومحتاج اجابه صريحه

حبايبى يا حلوين كان يا ما كان كان فى زمان 3 صناديق

وكان ف الصندوق الاول ملايين من الفلوس

والصندوق التانى كان فيه الحظ

والصندوق التالت كان فيه الحب


ووقف الولد محتار يختار انهى صندوق لحد م جاله راجل عجوز وسأله : مالك محتار ليه

قاله يا جدو قدامى تلت صناديق ومش عارف اختار ايه

قاله بص يا بنى الفلوس بتروح وتيجى وممكن تقعد تحوش فيها وربنا يبتليك بمرض تصرف كل اللى وراك واللى قدامك وبرده ما يكفيش


والحظ ده شماعه بتاعه الناس اللى فاشلين واللى خدو على الكسل واللى مش عايزين يعملوا حاجه

اما الحب احساس وشعور جميل جعله ربنا ف قلوبنا عشان نعرف نعيش مع بعض ف ود وسلام

وبالحب تقدر تفوز بالفلوس وبالحظ سمع الولد كلام الراجل العجوز وقعد يفكر وقال كلام الراجل ده صح

واختار الولد الحب

الحب اللى لو مش موجود مكناش هنعرف نعيش مكناش هنخاف على بعض مكنش هيبقى فيه جيرة مكنتش هتبقى دنيا


وتوته توته خلصت الحدوته ونسمع الاغنيه هههههه


بصراحه الموضوع مش كده خالص اللى فات ده كله من دماغى


الموضوع بقى هو ايه


لو انت او انتى مكان الولد ده هتختار او هتختارى ايه وليه وبكل صراحه










ومعاا يدا بيد نطور ونرتقى بالمنتدى



كان معكم من امام مقر منتدى نسمه مصريه مفيش فايده(eslam)