نسمة مصرية

لشبـــــــــــــــــــــــــــــــــــــــــاب وبنــــــــــــــــــــــــــــــــــــات العرب الرقى عندنا
 
الرئيسيةالبوابةاليوميةمكتبة الصورس .و .جبحـثالمجموعاتالتسجيلدخول

شاطر | 
 

 مشهد من مسرحيه من تأليفى

اذهب الى الأسفل 
كاتب الموضوعرسالة
مفيش فايده
مشرف عام
مشرف عام
avatar

ذكر عدد المساهمات : 83
نقاط : 16193
تاريخ التسجيل : 09/12/2009
العمر : 29
الموقع : اينما توجد قلوب بيضاء دائما اتواجد
المزاج : الحمد لله ميت فل وعشرة وكله ف الكلتش

مُساهمةموضوع: مشهد من مسرحيه من تأليفى   الثلاثاء ديسمبر 15, 2009 7:19 am

بسم الله الرحمن الرحيم
ف يوم كنت قاعد مع اصحابى ف كنا قاعدين نكتب اغانى بس اغانى كوميديه هبقى انزل منها ع المنتدى ف جه ف بالنا نحط الاغانى ديه ف حاجه قولنا نعمل مسرحيه وفعلا انا بدات ف الكتابه
اسماء الشخصيات اخترتها بعنايه ودقه شديده وتركيز طويل هيا بتتكلم عن اربع شباب منهم البطل اللى اسمه حنكش والشباب دول ف ثانويه عامه وهتناقش مشكله البطاله بطريقه كوميديه حلوة والسلبيات اللى هيقبلوها اسماء بقيت الشخصيات ( بوعص / مدوحس/ حموكشه)

ده المشهد الخامس من المسرحيه وان شاء الله شويه كده وهنزل المشهد اللى بعده


( المشهدبيبدأ بدخول حنكش(البطل) البيت وهو ماشى على طراطيف صوابعه وابوه قاعدفى جنب ومستخبى فى الضلمه)
ابو حنكش:كنت فين يا صايع
حنكش(يتخض ويتفزع)ايه فى ايه...اعوذ بالله من الشيطان الرجيم
ابوحنكش :ايه شفت عفريت
حنكش(يقول فى صوت هادى)انيل
ابو حنكش :كنت فين هه رد عليا
حنكش:انا..انا..انا..اناكنت قاعد مع صحابى
ابوحنكش:مع شويه العيال اللى ...اقول ايه اقول ايه بس...نهايته واتاخرت ليه
حنكش:ما احنا كنا قاعدين مع بعض والوقت سرقنا
ابوحنكش:وسكتوله ..؟ وقاعدين مع بعض بتعملوا هه مش وراكوا مذاكرهولا انتوا خلاص فاضيين وامتحنتوا ونجحتوا بقى ودخلتوا الكليه كمان وبقيتوا فاضيين صح رد عليا بقى انتوا فاضيين
حنكش:لأ مين قال ان احنا فاضيين دا حتى بيقولوا ان احنا فى سناويه عامه الكلام ده صحيح ولا دى اشاعه مغرضه هدفها قلب نظام الحكم
ابوحنكش:اشاعه ..انت شايف انها اشاعه .طبعا لازم تشوفها كده مش ماشى مع شويه العيال المساطيل والمعفنين بتوعك انا مش عارف انت مصاحب العيال ديه ازاى...
(وقبل ما يكمل كلامه يقاطعه صوت حموكشه بينده على حنكش)حموكشه:ولا يا حنكش يا ابو الحناكيشوووووو يا حنكـــــش هو الواد ده نام ولا ايه هو لحق يا حنكش انت يالا
ابو حنكش:انزل اكتم ماسورة المجارى اللى ضربت تحت البيت ديه والبيت مش ناقص ده مسنود على عودين كبريت
حموكشه:ياحنكش ما تنزل يابنى عشان انا مش هينفع اطلعلك عشان ابوك هيغتت عليا زى كل مرة وانا مش فايقله نفضله وانزل انا مستعجل عايز اروح قبل ابويا ما يقفل الباب لانه حالف لو قفل الباب قبل ما اروح هينيمنى على الرصيف
حنكش:جايلك اهو وانسد شويه وشوفلك جلد ولا فله ولا اى حاجه تسد بيها بقك
(ثم يخرج حنكش)
ابوحنكش:مش عارف والله بقى حد يصاحب ناس من النوعيه ديه دى عيال منتنه ده كفايه انهم مش بيستحموا نفسى ..نفسى كده فى مرة اشوف واحد منهم مستحمى كده ونضيف وريحته حلوة لكن تقول لمين دى عيال معفنه يا با
انا بيتهيألى العيال ديه لو استحمت يحصلها حاجه يتجننوا يتهبلوا تجيلهم حاله صرع ..والله انا مش عارف اهاليهم ازاى سيبنهم كده ولا طايقينهم كده ازاى ..اكيد معفنين زيهم مش المثل بيقولك(ابن الوز عوام وابن المعفن جربان)

(ثم يدخل حنكش)
ابوحنكش:كان عايز ك فى ايه الصايع ده
حنكش:لأ مفيش اصل احنا لما قعدنا مع بعض تحت فالكلام اخدنا ونسى يقولنا ان الاستاذ بحه المعفن هيدينا حصه يوم الاتنين الجاى
ابوحنكش:صدق اللى قال (الطيور على اشكالها تقع)هما شويه عيال معفنه والاستاذ بتاعهم معفن
يوم الاتنين يعنى بكره
حنكش:ايه ده هو بكره الاتنين
ابوحنكش:اه انت ما تعرفش ولا ايه
حنكش:لا والله مابخدش بالى من الحاجات ديه اصل الايام بقت شبه بعضها وخصوصا انهم ناويين يخلوا الاسبوع 6ايام
ابوحنكش(فى تعجب) بجد والله ليه كده
حنكش:يعنى اهو نوع من التجديد
ابوحنكش:وهتبقى ايامه ايه بقى ان شاء الله
حنكش:هتبقى يا سيدى السبت والاحد والاتنين والتلات والخميس والجمعه
ابوحنكش:امال الاربع ودووه فين
حنكش:ادولوا اجازة اصله تعب بقى .يعنى شوف بقاله كام سنه موجود وغال لحد ما تعب يعن حرام يفضل اكتر من كده ده حتى ناويين يطلعوا يوم الاحد عالمعاش
ابوحنكش:ليه كده
حنكش:اصله خلاص بقى كل سنه وانت طيب وصل 59 سنه دلوقتى يعنى هانت كلها سنه ويطلع عالمعاش ويبقى الاسبوع 5ايام
ابوحنكش:لاحول ولا قوة الا بالله وهما مش ناويين يعملوا حاجه تانيه
حنكش:السنه هتبقى 240يوم
ابوحنكش:حتى السنه لعبوا فيها وخلوها 240يوم طب ليه كده
حنكش:انت غبى ليه ماتركز معايا
ابوحنكش:انت بتقول ايه يالا
حنكش:لا..لا..لا..لالالاما ما مابقولش حاجه ده انا بقول مش الاسبوع هيبقى 5ايام يعنى الشهر 20يوم تبقى السنه 12شهر فى 20يوم بتساوى 240يوم ولأ
ابوحنكش:صح يالا ..هى الدنيا كده حتى الايام اتقل بركتها تعالى يا حج حناطه اطلع من تربتك وتعالى شوف الدنيا جرى فيها ايه قال ايه الاسبوع بقى ....(ويبص لابنه ويقوله)بقى كام يوم
حنكش:5ايام
ابوحنكش:بقى 5ايام والسنه بقت ....بقت كام
حنكش:240يوم
ابوحنكش:بقت 240يوم تعالى شوف يا حج حناطه
حنكش:بابا بابا هو مين الحج حناطه ده
ابوحنكش:ماتعرفش الحج حناطه يبقى مين
حنكش:لأوالله ولاسمعت عنه قبل كده
ابوحنكش:ده يبقى جدك يا اهبل
حنكش:جدى!! مش جدى اسمه (عبده انتكه)
ابوحنكش:لا عبده انتكه ده اسم الشهره بتاعه لكن اسمه الحقيقى ((حناطه شنطف زكى بلاميطه))
حنكش:يعنى اسم العيله بتاعتنا بلاميطه
ابوحنكش:ايه مش عاجبك
حنكش:لأعاجبنى طبعا..يعنى انا اسمى (حنكش شلاطه حناطه شنطف زكى بلاميطه )ياه ده انا كنت بحسب اسمى (حنكش شلاطه عبده انتكه)
ابوحنكش :اهو انت عرفت هتعمل ايه يعنى
حنكش:هعمل ايه ..ده انا همشى واقول يا ايها الناس اسمعوا وعوا بعد الاطلاع على الادله وسماع الشهود اعلنت محكمه استئناف البلاعات بان اسم الشخصيه المهزقه (حنكش شلاطه عبده انتكه)غلط وفيه خطأ مطبعى تم القبض على المتسببين فى ذلك وهما كل من (على مقص واخوه اسماعيل مفك)وقد تم تعديل الاسم الى (حنكش شلاطه حناطه شنطف زكى بلاميطه) وعلى جميع البلاعات عمل الاكمنه الازمه بحيث يكون كمين كل 5 بلاعات وعمل البلاعات الصناعيه وهذا ما اعلنته المحمك بالنص وشكرا والسلام عليكم ...وهيصه ...هيصه ...شفت الست ام فاروق ..اى اى ..شالت بقعه البرقوق ..اى اى والبنزين هو الموجود عشان يشيل البقعه ... وادلع يا عريس يا ابو بدله دايبه ... وادلع يا عريس يا ابو بدله دايبه
(واول ما حنكش يقول السلام عليكم ويبدأويقول هيصه اخوه الصغير يدخل وفى ايده طبله وبيطبل وتتدخل اخته وماسكه فى ايدها الصاجات وشغاله ويغنوا مع بعض)
(طبعا ابوهم هيتضايق فهيزعق لهم)

ابوحنكش:اسكت يا حيوان انت وهو وهي
(طبعا هما ولا هنا وشغالين زى ما هما ومنفضين لابوهم وعاااادى)
(ابوهم يتنرفز اكتر)
ابوحنكش: انتوا الظاهر ما بتجوش الا بالعصايه (ويطلع يجرى وراااااااهم)
وبــ كده ينتهى المشهد
ــــــــ
بس اللى يقرا لازم يردعشان انا والله طلع عينى على ما كتبته
ــــــ
مستنيكم


عدل سابقا من قبل مفيش فايده في الثلاثاء ديسمبر 15, 2009 7:34 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نسمة مصرية
Admin
Admin
avatar

انثى عدد المساهمات : 542
نقاط : 17516
تاريخ التسجيل : 01/12/2009
المزاج : الحمدلله على كل حال

مُساهمةموضوع: رد: مشهد من مسرحيه من تأليفى   الثلاثاء ديسمبر 15, 2009 7:25 am

طيب انا عايزة اركز فيها هصلى وبعدين ارجع اقرى بتركيز

____________________________________


وتكررت سهراته الكبرى يوم اراه ويختفي شهراً


عذراً يناقض عنده عذرا


من بيت معجبة ..الى اخرى فالشلة الاولى أعادته لضلاله وضياعه الماضي



سله يؤكد كل اقوالي مخدوعة وان أيقاظي




كن منصفاً سيدي القاضي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nagwa.ahlamontada.net
نسمة مصرية
Admin
Admin
avatar

انثى عدد المساهمات : 542
نقاط : 17516
تاريخ التسجيل : 01/12/2009
المزاج : الحمدلله على كل حال

مُساهمةموضوع: رد: مشهد من مسرحيه من تأليفى   الثلاثاء ديسمبر 15, 2009 9:49 am

ههههههههههههه حنكش لخبط الدنيا بس اسمه الرباعى حلو اوى

جميلة اوى القصة يا اسلام كوميدية ولذيذة انا مستنية الباقى متتاخرش عشان عجبتنى عيلة حنكش

ميرسي يا اسلام بجد جميلة

____________________________________


وتكررت سهراته الكبرى يوم اراه ويختفي شهراً


عذراً يناقض عنده عذرا


من بيت معجبة ..الى اخرى فالشلة الاولى أعادته لضلاله وضياعه الماضي



سله يؤكد كل اقوالي مخدوعة وان أيقاظي




كن منصفاً سيدي القاضي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nagwa.ahlamontada.net
مفيش فايده
مشرف عام
مشرف عام
avatar

ذكر عدد المساهمات : 83
نقاط : 16193
تاريخ التسجيل : 09/12/2009
العمر : 29
الموقع : اينما توجد قلوب بيضاء دائما اتواجد
المزاج : الحمد لله ميت فل وعشرة وكله ف الكلتش

مُساهمةموضوع: رد: مشهد من مسرحيه من تأليفى   الثلاثاء ديسمبر 15, 2009 12:17 pm

عن قريب ان شاء الله
هنزل اللى بعد كده
بس شويه كده عشان بكتبه على ال word الاول وبعد احطه ع المنتدى

بس بيطلع عينى فيه


ونورتى
ولسه بقيت اسماء البنات حاجه اخر دماغ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مشهد من مسرحيه من تأليفى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
نسمة مصرية  :: منتدى القصص والروايات-
انتقل الى: